"ჯი არ სი"-ს შესახებ

კომპანია „ჯი-არ-სი“ – 2003 წლიდან სამშენებლო მასალების მწარმოებელი, იმპორტიორი და ერთ-ერთი მსხვილი მიმწოდებელი კომპანიაა საქართველოს სამშენებლო ბიზნეს სექტორში. დაარსებიდან დღემდე კომპანიის უპირველესი პრიორიტეტებია ბაზარზე მაღალი სტანდარტების დაწესება, ჯანსაღი კონკურენციის ჩამოყალიბება და ერთგული მომხმარებლების ჯგუფის შექმნა, რაც, მთლიანობაში, მის წარმატებას განაპირობებს.

2020 წელს „ჯი-არ-სი“-მ დაიწყო Rainline-ის წყალსაწრეტი სისტემების წარმოება. RainLine არის მაღალტექნოლოგიურად დამუშავებული და ორმხრივად შეღებილი თუნუქის წყალსაწრეტი სისტემა, რომელიც გამოირჩევა ინსტალაციის გამარტივებული მეთოდით. მისი მრგვალი ფორმა უზრუნველყოფს წყლის დიდი მოცულობის გამტარუნარიანობას, ხოლო ორმხრივად შეღებილი თუნუქი იცავს კოროზიისგან და მასთან დაკავშირებული რისკებისგან.